ایڈیشنل سیکرٹری افغانستان دی سربراہی اچ قائم ڈویژن اپݨی ذمہ واریاں پوری لڳن دے نال ادا کریندا پئے ،دفتر خارجہ

اسلام آباد۔10مارچ(اے پی پی) دفتر خارجہ واضح کیتے جو افغانستان بارے وزارت خارجہ اچ ھک مکمل ڈویژن قائم اے جیں دی سر??راہی ایڈیشنل سیکرٹری افغانستان اتے مغربی ایشیا سید احسن رضا شاہ کریندے پ??ن ۔ دفتر خارجہ جمعہ کوں گزریل ݙینھ دی پریس بریفنگ دے حوالے نال آکھیے جو ایڈیشنل سیکرٹری افغانستان دی سر??راہی اچ قائم ڈویژن اپݨی ذمہ واریاں پوری لڳن دے نال ادا کریندا پئے تے اڳوں وی آپݨی ذمہ واری نبھیندا رہ ویسی ۔ ترجمان دفتر خارجہ توں بریفنگ دے دوران سوال کیتا ڳیا ہئی جو گزریل ہفتے وزیراعظم دے معاون خصوصی محمد صادق دے عہدے توں مستعفی تھیوݨ دے بعدانہاں دی عدم موجودگی اچ افغانستان دے معاملات کوں پاکستان اچ اعلیٰ سطح تے کون ݙیکھدا پئے ۔